കൊച്ചി രാജകുടുംബത്തിന്റെ ഉടമസ്ഥതയിലുണ്ടായിരുന്ന 18 ഏക്കര്‍ വിസ്തൃതിയുള്ള കാനാട്ടുകര മെറിലാന്റ് പാലസ് കോമ്പൌണ്ട് ആണ് തൃശൂര്‍ ശ്രീകേരളവര്‍മ്മ കോളേജ് ആയി മാറിയത്. 1947 ആഗസ്റ് 11 -ന് കൊച്ചി മഹാരാജാവ് കേരളവര്‍മ്മയുടെ ജ.ദിന ആഘോഷ സ്മാരകമായി കോളേജ് ഇവിടെ ആരംഭിച്ചു. മെറിലാന്റ് പാലസ് വാഴ്ചയൊഴിഞ്ഞ രാജാവ് രാമവര്‍മ്മ രാജര്‍ഷിയുടെ സുഖവസതിയായിരുന്നു . കോളേജ് കവാടത്തില്‍ അധികമാരും ശ്രദ്ധിക്കാത്ത ഒരു വാചകം ഉണ്ട്: “അസ്തു വൃത്തം ശുഭം സദാ.” എന്നെന്നും ഞാന്‍ വിശുദ്ധിയില്‍ ജീവിക്കും. ഇതാണ് എന്നെ സംബന്ധിച്ചിടത്തോളം ശ്രീകേരളവര്‍മ്മ കോളേജിന് സംസ്കാരം. 1925-ല്‍ മഹാത്മജി ഈ പാലസില്‍ വന്നു താമസിച്ചിട്ടുണ്ട്. തൃശൂരിലെ ആദ്യത്തെ മിക്സഡ് കോളേജും ഇതാണ്. ഇതൊരു വലിയ ഇച്ഛാശക്തിയുടെ ഊര്‍ജ്ജകേന്ദ്രമാണ്. ഈ സ്ഥാപനം ഇത്തരത്തില്‍ രൂപപ്പെട്ടതിന്‍റെ കാരണം വലിയ ലക് ഷ്യവും അറിവിന്‍റെ ഹിമാലയം കീഴടക്കിയ പാണ്ഡിത്യവും ഉള്ളവര്‍ നിരന്തരമായി ഈ കോളേജിലെ അധ്യാപനവേദികളില്‍ ഉണ്ടായിരുന്നതാണ്.
പ്രൊഫ.പി.ശങ്കരന്‍നമ്പ്യാരില്‍ തുടങ്ങുന്നു ആ മഹത്തായ പാരമ്പര്യം. എന്‍.വി.കൃഷ്ണവാര്യരും, കക്കാടും, കെ.പി.നാരായണപിഷാരോടിയും പ്രൊഫ.വി.അരവിന്ദാക്ഷനും പ്രൊഫ.ആര്‍.രാമചന്ദ്രയ്യരും പ്രൊഫ.ഐ.പി.ബാലഗോപാലും പ്രൊഫ.വെങ്കിട്ടരാമനും പ്രൊഫ.ടി.സി.കെ.മേനോനും കെ.പി.ശങ്കരനും ദാമോദരന്‍ കാളിയത്തും എം.സി.രാധാകൃഷ്ണനും പി.നാരായണമേനോനും ഡോ.കാവുമ്പായി ബാലകൃഷ്ണനും പ്രൊഫ.ടി.എ.ഉഷാകുമാരിയും പ്രൊഫ. ആര്‍.ഗോപാലകൃഷ്ണപിള്ളയും ഡോ.കല്പറ്റ ബാലകൃഷ്ണനും തുടങ്ങി അങ്ങനെ പോകുന്ന വലിയ നിരയില്‍ ഇപ്പോള്‍ ഡോ.എന്‍.അനില്‍ കുമാറും പ്രൊഫ.വി.ജി.തമ്പിയും ഡോ.വി.കെ.വിജയനും പ്രൊഫ.എന്‍.ആര്‍.അനില്‍ കുമാറും ഡോ.അജിത്കുമാറും ഡോ.സി.ആര്‍.രാജഗോപാലനും ഒക്കെയേയുള്ളു.
കാമ്പസിലെ കരിപുര- അക്ഷരങ്ങള്‍ നിറഞ്ഞ ചുമരുകളും വലിയ ജീവിതപാഠങ്ങള്‍ നല്കിയിരുന്നു . ഒരു പക്ഷേ ക്ളാസ്സുമുറികളിലെ പഠനത്തേക്കാള്‍ അധ്യാപകരുമായുള്ള അനൌപചാരിക കൂടിക്കാഴ്ചകളും കൂട്ടായ്മകളുമാണ് സിലബസിലേക്കുള്ള ദിശാബോധവും പഠനജാഗ്രതയും നല്കിയത്. ഏതു സിലബസിനും ഒരു ever expanding horizon ഉണ്ടന്നു വിദ്യാര്‍ത്ഥികള്‍ അറിഞ്ഞത് അധ്യാപകരോടൊപ്പമുള്ള നടത്തത്തിലൂടെയാണ്. മരച്ചുവടുകളിലേയും കാന്‍റീനിലേയും സല്ലാപങ്ങള്‍ സംവാദത്തിലേക്കും സമരോത്സുകമായ ജീവിതപ്രയാണത്തിലേക്കുമാണ് വിദ്യാര്‍ത്ഥികളെ നയിച്ചത്. എസ്.എഫ്.ഐ.ക്കാരന്‍ ലാറ്റിനമേരിക്കയ്ക്ക് നേര്‍ക്കുള്ള സാമ്രാജ്യത്വ കടന്നാക്രമണത്തെക്കുറിച്ചു സംസാരിക്കുമ്പോള്‍ കെ.എസ്.യു.ക്കാരനും ഏ.ബി.വി.പി.ക്കാരനും ചൈനയിലെയും സോവിയറ്റ് യൂണിയനിലേയും ജനാധിപത്യനിഷേധത്തെക്കുറിച്ച് സംസാരിക്കും. ഏ.ബി.വി.പി.ക്കാരന്‍ ഒരുപടികൂടി കടന്നു റഷ്യയില്‍ ഭഗവത്ഗീത ധാരാളം പേര്‍ പടിക്കുന്നുണ്ടന്നും ലോകം ഭാരതീയസംസ്കാരത്തിലേക്ക് വരികയാണെന്നും പറയും. ശ്രീകേരളവര്‍മ്മയില്‍ അരാഷ്ട്രീയ വിദ്യാര്‍ത്ഥി സംഘടനകള്‍ എന്നും തകരപോലെ ആയിരുന്നു . ഒരിക്കലും അതിന് ഋതുഭേദങ്ങളെ അതിജീവിച്ച് വളരാനായിട്ടില്ല . ഒരു ഘട്ടം കഴിഞ്ഞപ്പോള്‍ കേരളവര്‍മ്മ അത്തരം സംഘടനകളെ പാടെ തിരസ്കരിച്ചു.
കായികരംഗത്തും കലാരംഗത്തും ശ്രീകേരളവര്‍മ്മ ഉജ്ജ്വലമായ പ്രവാഹങ്ങള്‍ സൃഷ്ടിച്ചിട്ടുണ്ട് പാവങ്ങളായി കാമ്പസില്‍ വന്നുപോകുന്നവരെയും ജഗജില്ലികളെയും അക്കൂട്ടത്തില്‍ പലപ്പോഴും കൌതുകപൂര്‍വ്വം നോക്കിക്കണ്ടിട്ടുണ്ടു ‘അവനൊന്നുമല്ലാ ’ എന്നു ചിന്തിക്കാന്‍ തുടങ്ങുന്ന വേളയില്‍ അവന്‍ പത്രത്താളില്‍ ചിരിച്ച മുഖവുമായി വാര്‍ത്തയില്‍ നിറഞ്ഞുനില്ക്കുന്നത് ഞാന്‍ കണ്ടിട്ടുണ്ട്. കേരളവര്‍മ്മ കാമ്പസ് ഒരു വലിയ സാമൂഹികത കേരള സമൂഹത്തില്‍ ഉണ്ടാക്കിയിട്ടുണ്ട് . ഗാഢമായ ഒരു സൗഹൃദത്തിന്ന്‍റെ സംസ്കാരം അതിനു ണ്ട് . ഏതു ഇരുട്ടിലും വഴികാട്ടിയാവുന്ന സുഹൃത്തുക്കളുടെ ഒരു വലിയ നിര. ഏതു കാര്യത്തിലും ഒരു SKVC touch. . രാഷ്ട്രീയത്തിലും സാഹിത്യത്തിലും കലയിലും കായികരംഗത്തും സിനിമയിലും പത്രപ്രവര്‍ത്തനത്തിലും ശാസ്ത്രരംഗത്തും ആ പ്രഭാവം ഇന്നു ശക്തിയാര്‍ജ്ജിക്കുകയാണ്. സദാചാരനിഷ്ഠമായ സാമൂഹ്യബോധം ഉള്ളവര്‍. ജീവിതത്തിനെ ധീരമായി അഭിമുഖീകരിക്കാന്‍ പഠിച്ചവര്‍. ലോകത്തിന്റെ ഏതു കോണിലും എത്തുന്നു കേരളവര്‍മ്മക്കാര്‍ ഒരു ഗോത്രമായി സംഘംചേരുന്നു .
അടിയന്തിരാവസ്ഥയ്ക്ക് ശേഷമുള്ള ശ്രീകേരളവര്‍മ്മ കാമ്പസിനെ രൂപപ്പെടുത്തിയതില്‍ SFI ക്ക് നിര്‍ണ്ണായക പങ്കുണ്ട് ഇക്കാലം തൊട്ട് ഇവിടെ വളരെ വികസിതമായ വിദ്യാര്ത്ഥിനീവിദ്യാര്ത്ഥി
വായനയുടെ അനുഭവമണ്ഡലം
ഏതു സിലബസിന്‍റെയും പരിമിതികളെ അതിലംഘിക്കുന്ന ഒരു വായനാമണ്ഡലം കേരളവര്‍മ്മയില്‍ ഉണ്ടായി യിരുന്നു . പുസ്തകങ്ങളെക്കുറിച്ച് വാതോരാതെ സംസാരിക്കുന്ന അധ്യാപകര്‍, പുതിയ കാലത്തിന്റെ സംഘര്‍ഷങ്ങളെ അപ്പപ്പോള്‍ ഏറ്റുവാങ്ങുന്ന വിദ്യാര്ത്ഥിസംഘടനാപ്രവര്ത്
കാമ്പസിലെ സംഘടനാബാധ്യതകളും ഉത്തരവാദിത്തങ്ങളും മൂലം പൊതുവെ ക്ളാസ്സില്‍ കയറാന്‍ കഴിയാത്ത വിഭാഗത്തോട് വളരെ ഉദാരമായാണ് അധ്യാപകര്‍ പെരുമാറിയിട്ടുള്ളത്. ഏതു തിരക്കുകള്‍ക്കിടയിലും ചില അധ്യാപകരോടുള്ള ആദരവ് ഞങ്ങളെ ക്ളാസ്സുമുറിയില്‍ എത്തിച്ചിരുന്നു . പൊളിറ്റിക്സ് ക്ളാസ്സില്‍ സി.കെ.വര്‍ഗീസ് മാസ്റ്റ്റോടുള്ള ആദരവും ലോകകാര്യങ്ങള്‍ കേള്‍ക്കുന്നതിനുള്ള താല്‍പ്പര്യവും നിമിത്തം ഇന്നത്തെ പ്രസിദ്ധ ഫിലോസഫി അദ്ധ്യാപകനായ ഡോ.ടി.വി.മധുവും പ്രസിദ്ധ ഫുട്ബോള്‍ താരമായിരുന്ന സി.വി.പാപ്പച്ചനും ക്ളാസ്സിലെത്തുമായിരുന്നു .
ഇന്ന് ഈ സ്ഥാപനത്തെക്കുറിച്ചുള്ള ഒരു പ്രധാനവിമര്‍ശനം സിലബസ് പഠനത്തിന്‍റെയും പാഠ്യേതരപ്രവര്ത്തനത്തിന്റെയു
ശ്രീകേരളവര്‍മ്മയുടെ സമരാനുഭവങ്ങള്‍
വളരെ വലുതാണ് ഇവിടത്തെ സമരാനുഭവങ്ങള്‍. ഒരു പ്രൈവറ്റ് കോളേജിന്റെ പ്രിന്‍സിപ്പലിനെ ആറുമാസം സസ്പെന്‍റ ചെയ്യിക്കുക, കുറ്റപത്രം നല്‍കിയിട്ടുന്ടന്നു പറഞ്ഞ് കോടതി അദ്ദേഹത്തിന്റെ പുനഃസ്ഥാപിക്കാന്‍ ഉത്തരവിടുക. കോടതി ഉത്തരവ് വകവെയ്ക്കാതെ വീണ്ടും സമരം ചെയ്യുക. വീണ്ടും ചാര്‍ജ്ജ്ഷീറ്റ് നല്‍കി പ്രിന്‍സിപ്പലിനെ സസ്പെന്റ് ചെയ്യുക. ഇത് ശ്രീകേരളവര്‍മ്മയിലല്ലാതെ ഇന്ത്യയില്‍ മറ്റൊരിടത്തും നടന്നിട്ടില്ലന്നു എസ്.എഫ്.ഐ.യുടെ ഒരു അഖിലേന്ത്യാപ്രവര്‍ത്തനരേഖ സാക്ഷ്യപ്പെടുത്തിയിട്ടുണ്ട് . കോടതി ഉത്തരവു വന്നപ്പോള്‍ അന്നു ഞങ്ങള്‍ വിളിച്ച മുദ്രാവാക്യത്തിന് ഇന്നും ചൂടുണ്ട്
എന്ത് കോടതി? ഏതു കോടതി?
ഏതു കോടതി വിട്ടാലും
പിറകോട്ടില്ല പിറകോട്ടില്ല
സമരം ഞങ്ങള്‍ വിജയിപ്പിക്കും
ഞങ്ങടെ ചങ്കിലെ ശബ്ദംകൊണ്ട്
ഞങ്ങടെ നെന്ജിലെ രക്തംകൊണ്ട്
ഞങ്ങളീസമരം വിജയിപ്പിക്കും
നീതിയ്ക്കായി പോരാടും
ഹോള്‍ടിക്കറ്റ് തട്ടിയെടുത്ത്
വിദ്യാര്‍ത്ഥിയുടെ ഭാവിതുലച്ച
പ്രിന്‍സിപ്പളൊരു ക്രിമിനല്‍ തന്നേ
കോടതിയെന്തിത് കാണുന്നില്ല ?
അറ്റന്റ്റന്‍സ് ഷോര്‍ട്ടേജ് പറഞ്ഞു പ്രിന്‍സിപ്പല്‍ വിദ്യാര്‍ത്ഥികളോട് രാഷ്ട്രീയ പക പോക്കിയതിനും സമരം ചെയ്തിട്ടുണ്ട് . ഊട്ടിയിലെ മരംമുറിവിരുദ്ധ സമരവും കേരളശ്രദ്ധ നേടിയിട്ടുള്ളതാണ്.
കാമ്പസിലെ തിളച്ചുമറിയുന്ന വിദ്യാര്‍ത്ഥിജീവിതത്തില്‍ പങ്കെടുക്കാനാവാതെ നോക്കുകുത്തികളായി നിന്നവര്‍പോലും പില്‍ക്കാലത്ത് രാഷ്ട്രീയനേതാക്കളായി ഉയര്‍ന്നത് കണ്ടിട്ടുണ്ട് . അവരില്‍ ചിലര്‍ അക്കാലത്തെ കാമ്പസിന്റെ ജൈവികതയെക്കുറിച്ച് ഊറ്റംകൊണ്ട് പറയുന്നത് അടുത്ത കാലത്ത് ഞാന്‍ കേട്ടുനിന്ന് ആസ്വദിച്ചിട്ടുണ്ട് . തീക്ഷ്ണമായ പ്രവര്‍ത്തനരീതിയില്‍ മുങ്ങിനിവരാനുള്ള പ്രാപ്തിയില്ലായ്മ ആണ് അന്ന് ഇങ്ങനെയുള്ള പലരിലും ഉണ്ടായാതെന്ന് പറയേണ്ടതില്ലല്ലോ . കേരളവര്‍മ്മയിലെ സംഘടനാപ്രവര്‍ത്തനം എന്നത് ഭാരിച്ച ഒരു ജോലിതന്നെയാണ്.
ആദ്യം അവര്‍ ജൂതന്‍ മാരെ പിടികൂടി
ഞാന്‍ മൌനം പാലിച്ചു
കാരണം ഞാന്‍ ജൂതനല്ലല്ലോ പിന്നെയവര്‍ കമ്യൂണിസ്റുകളെ പിടികൂടി
ഞാന്‍ മൌനം പാലിച്ചു
കാരണം ഞാന്‍ കമ്യൂണിസ്റല്ലല്ലോ .
പിന്നെയവര്‍ കത്തോലിക്കരെ പിടികൂടി
ഞാന്‍ മൌനം പാലിച്ചു
കാരണം ഞാന്‍ കത്തോലിക്കനല്ലല്ലോ
പിന്നെയവര്‍ എന്നെപിടികൂടി
അപ്പോള്‍ എനിക്ക് വേണ്ടി സംസാരിക്കാന്‍
ആരും അവശേഷിച്ചില്ലായിരുന്നു......
ഒക്ടോവിയോ പാസിന്റെ സൂര്യശിലയും (കടമ്മനിട്ടയുടെ തര്‍ജ്ജമ) കടമ്മനിട്ടയുടെയും സച്ചിദാനന്ദന്‍റെയും വരികളും പോസ്റ്ററിന്റെന്‍റെ കറുപ്പിലും ചുകപ്പിലും ജാഗ്രത്തായി കണ്ടു ലോകകവിതകളുടെ മൂര്‍ച്ചയും സൌന്ദര്യവും അന്നത്തെ വിദ്യാര്ത്ഥിരാഷ്ട്രീയപ്രവര്
കൂട്ടൂകാരാ, ഭീരുത്വം മൂലം
ഒരിക്കലും ഒരു പട്ടി കുരയ്ക്കാതിരിക്കുന്നില്ല
ഇതാ കാലന്‍, ഇതാ കള്ളന്‍
ഇതാ ജാരന്‍, ഇതാ പോസ്റ്റുമാന്‍
ഇതാ പിരിവുകാരോ വിരുന്നുകാരോ വരുനെന്നു
പട്ടി എപ്പോഴും സ്വന്തം ദര്‍ശനം
അപ്പാടെ വിളിച്ചുപറയുന്നു
ഒരു ദൈവത്തിന്‍റെയും വാഹനമല്ലാത്തവന്‍.
കൂട്ടുകാരാ, പറയേണ്ടതു പറയാതെ
ഒരു പട്ടിപോലുമല്ലാതെ
വാലുപോലുമില്ലാതെ
നരകത്തില്‍പ്പോലും പോകാതെ
ഈ സൌധങ്ങളില്‍ നാം ചീഞ്ഞുനാറുന്നു .
തീക്ഷ്ണവിശുദ്ധമായ ഒരു മാനവീയത. അനീതിയുടെ ചെറിയ കണികകളോടുപോലും കലഹിക്കുന്ന ഒരു മാനസികാവസ്ഥ,എല്ലാറ്റിലും സര്‍ഗ്ഗാത്മകതയുടെ ഒരിതളെങ്കിലും വേണമെന്ന ശാഠ്യം. സര്‍വ്വത്തിലും നവീനത ജന്യമാക്കുന്നു ഒരു മഹാസന്നദ്ധത...എല്ലാം , സമൃദ്ധമായി വിളഞ്ഞിരുന്ന ഒരു കൂട്ടായ്മയുടെ സംഘബോധത്തിന്‍റെ കാലമാണത്. തി.യെ അതിന്റെ ഏതു രൂപത്തില്‍ കണ്ടാലും എതിര്‍ക്കാനുള്ള ഇച്ഛാശക്തി അന്നത്തെ വിദ്യാര്‍ത്ഥിക്കുണ്ട് എടുക്കുന്ന നിലപാടുകളില്‍ ഒരു ഉയര്‍ന്ന ശരിയുണ്ടാകും. അതിന്റെ പിന്നില്‍ എല്ലാവരും വരും ചേര്‍ന്നുനില്ക്കും. മൂപ്പിളമ്മ തര്‍ക്കമില്ല .
ജാഗ്രതയും ജരാവസ്ഥയും
ശ്രീകേരളവര്‍മ്മ കോളേജില്‍ എന്‍റെ കാലം എണ്‍പതുകളാണ് എന്ന് പൊതുവെ പറയാം. തൊണ്ണൂറുകളുടെ ആദ്യവര്‍ഷങ്ങളിലും ഞാനവിടെ വിദ്യാര്‍ത്ഥിയായത് 'പഠനവൈകല്യം' കൊണ്ട്മാത്രം. ഞാന്‍ കോളേജിന്റെ പടിയിറങ്ങിയിട്ട് ഏതാണ്ട് രണ്ടു ദശകത്തോട് അടുക്കുകയാണ്.
കോളേജ് അങ്കണത്തില്‍ വെച്ച് ഹോസ്റ്റല്‍ ദിനാഘോഷം നടത്തിയപ്പോള്‍ കോളേജ് യൂണിയന്‍ ചെയര്‍മാന്‍ എന്ന നിലയില്‍ ഞാന്‍ പറഞ്ഞ ചില കാര്യങ്ങള്‍ ഓര്‍മ്മയില്‍ വരുന്നു “എനിക്ക് കേരളവര്‍മ്മ സമ്മാനിച്ചിട്ടുള്ളത് ഓര്‍മ്മകളുടെ പൂക്കാലമാണ്. ആ പൂക്കളില്‍ ചിലപ്പോഴൊക്കെ കണ്ണീര്‍പ്പൂക്കളുമുണ്ട് .” മറ്റൊരു വേള sfi യൂണിറ്റ് സമ്മേളനത്തിലെ വിടവാങ്ങല്‍ പ്രസംഗമാണ് 1990-ല്‍ അവിടെ ഞാന്‍ പറഞ്ഞു: തന്നെത്താനെ പഠിക്കാതെയൊന്നും അറിയില്ല നിങ്ങള്‍ സഖാക്കളേ...” ബ്രെഹ്തിന്റെ അമ്മ എന്ന നാടകത്തിലെ പാട്ടാണിത്. അതോടൊപ്പം ബ്രഹ്തിന്റെ ഒന്നു രണ്ടു കവിതാശകലങ്ങള്‍ കൂടി ഉദ്ധരിച്ചു.
സംശയം വാഴ്ത്തപ്പെടട്ടെ!
നിന്‍റെ വാക്കിനെ ഒരു ചീത്ത നാണയംപോലെ,
തിരിച്ചും മറിച്ചും പരിശോധിക്കുന്നവനെ
സസന്തോഷം, സാദരം അഭിവാദ്യംചെയ്യുക.
മനുഷ്യരുടെ നേതാവായവനേ
നീ നേതാവയാതു മറ്റു നേതാക്കളെ
സംശയിച്ചതുകൊണ്ടാണന്നു മറക്കാതിരിക്കുക.
അതുകൊണ്ടു നീ നയിക്കുന്നവര്‍ക്കും
സംശയിക്കാനുള്ള അവകാശം നല്കുക.
വരേണ്യവിദ്യാഭ്യാസസ്ഥാപനങ്ങളുടെ വരവുമായി ബന്ധപ്പെട്ടാണ് ഞാനിങ്ങനെ പറഞ്ഞത്. അന്നു വിദ്യാഭ്യാസരംഗത്ത് ഒരു പുത്തന്‍ ചാതുര്‍വര്‍ണ്യ സമീപനത്തിന്‍റെ ആരവം ഉണ്ടായിരുന്നു .
മുന്നില്‍ നേതാവായ് മാര്‍ച്ചുചെയ്യുന്നതു
ശത്രുതന്നെയാണെന്നറിയുന്നവരെത്ര ചുരുക്കം.
തൊണ്ണൂറുകളില്‍ കേരളം വലതുപക്ഷവ്യതിയാനത്തിന്‍റെ പ്രവണതകള്‍ക്ക് അടിപ്പെട്ടുതുടങ്ങിയല്ലോ .
ശ്രീകേരളവര്‍മ്മ കാമ്പസിന്റെ രാഷ്ട്രീയനൈതികത രൂപപ്പെടുത്തിയ ഒരു Course Consequence correlation നെ വെളിവാക്കാനാണ് ഇത് ചൂണ്ടിക്കാണിച്ചത്. കേരളം വലതുപക്ഷവ്യതിയാനത്തിലേക്ക് പോകുമ്പോഴും അതിന്റെ ഉത്കണ്ഠകള്‍ വിദ്യാര്‍ത്ഥികള്‍ പങ്കുവെച്ചുവെക്കുന്നു എന്നു മാത്രം സൂചിപ്പിക്കാന്‍.
ഇനിയൊന്നു മറുത്തു പറയട്ടെ...
നമുക്ക് ഈ വൃത്തികെട്ട തറവാടിത്തഘോഷണം ഇവിടെ അവസാനിപ്പിക്കാം. ഭൂതകാലം ഒരു ഭാരമായി തലയില്‍ ചുമന്നുനടക്കാതെ പുതിയ തളിരുകള്‍ ഉണ്ടാക്കുകയാണ് വേണ്ടാത്. ഇന്നത്തെ വിദ്യാര്‍ത്ഥികള്‍ക്ക് അതിന് പ്രാപ്തിയുണ്ട്. വലിയ അഗ്നിപര്‍വ്വതങ്ങള്‍ പോലെ പൊട്ടിത്തെറിച്ച് ലാവാപ്രവാഹം ഉതിര്‍ക്കാനുള്ള കര്‍മ്മശേഷിയുള്ളവര്‍. കേരളവര്‍മ്മയുടെ ജൈത്രയാത്ര തുടരട്ടെ.
This comment has been removed by the author.
ReplyDelete